Ова е мотото на акцијата по големите пожари што минатото лето ги зафатија македонските шуми. Акцијата е иницирана од група граѓани, на чело со оперскиот пејач Борис Трајанов.

Оваа иницијатива потекнува од многубројните факти со кои се соочуваме во денешницата, од постојаното намалување на светскиот фонд на шуми и на шумовити предели што претствува еден од нajголемите светски еколошки проблеми, кој пак има сериозно негативно влијание врз промена на климата, здравјето на лугето, намалување на животинската популација како и на светската економија.

Балканот е регион каде овој проблем има уште поголемо и посериозно влијание, особено поради немањето на постојан и издржан систем на шумски менаџмент, како на локално така и на регионално ниво. Големите пожари оваа година, во целиот регион, се само мал доказ на ова тврдење. Како што знаеме летото 2007, ниту Република Македонија не беше исклучена од овој проблем.

Македонски зелен центар, здружение на граѓани за лобирање, застапување и истражување на прашања од областа на животната средина целосно ја поддржува оваа иницијатива и е дел од иницијативниот одбор (координативното тело) кој ја организираа оваа акција ДЕНОТ НА ДРВОТО - ЗАСАДИ ЈА СВОЈАТА ИДНИНА. Затоа ги повикуваме сите здруженија на граѓани кои работат во полето на животната средина со заднички сили да дадеме придонес во акцијата за пошумување и во борбата против климатските промени.